وقفت امام تمثال رمسيس في دهشه لحد مبقي اتفتح ممكن ياخد جوز فراخ
واتعجبت من عبقريه الفنان الي رسمه وفجأه لقيت التمثال بيبصلي ويقول وهو متضايق:
-خلاص خلصت بحلقه ولا لسه؟
انتفضت واطخديت وقولتله:ب بسم الله هو انت بتتكلم؟؟؟
رمسيس:نااااعم ؟طبعا بتكلم وبشوف كمان يا عبيط.
انا:بتشوف ايه؟
رمسيس : هو انا الي بشوفه قليل يابني.دأنا بشوف بقالي كااام سنه وهم حطوني
في الميدان وبعدين في المتحف.ولسه.لحد مالشمس خدت من قفايا رأات وياريتها
جت عالشمس وبس.
الا مناخيري اتسدت من الدخان والمصانع.....و..ولما اجي اعطس عشان اتنفس
الاقي الله يخيبهم بيعملوا زي الناس تحت رجلي لما الواحد قرف منكم يا شعب.
فين ايام لما كنت متجوز 48ست ومتدلع ولا الحاج متولي بتاعكم ده؟؟
انا:انت كمان عرفت ده؟ طب ياسي رمسيس انت عايز ايه دلوقت؟
رمسيس متنهدا..ااه نفسي ينقلوني حته رايقه كده على مزاجك احسن شغلانة التمثال مقرفه.
انا:عايز تروح فين الاوبرا؟
صاح رمسيس جاتك نيله عليك وعلى اختياراتك اقولك رواقه تقولي اوبرا؟
انا:رمسيس انت الفاظك بقت مش ظريفه خاالص.
رمسيس:ماهو من عمايلكو.من عاشر القوم 40يوم شوف انا معاشر القوم دول من امتى لما نستوني اسمي.
انا:طب عايز ايه يا رمسيس باشا؟
عايز اتدلع اشمعنى ابو الهول هو احسن مني دا ساكن جنب الهرم ومروق نفسه.
انا: طب ياسيدي انا هوصل صوتك للمسؤولين و..
رمسيس:هه مسؤولين.موت يا دنكي.
انا:طب اعمل ايه اقدر عليه؟
رمسيس دامعاا:حتعمل ايه يابني روح الله يسهلك.
صحت بصوت عالي واعدت ازعء..انا لازم اساعدك واعملك حاجه كلنا فداك يارمسيس وكلنا بنحبك يا بو الراماسيس
وفجأه!!!
لقيت الحكومه بتسحبني من قدام التمثال وأمة لا اله الا الله بتتفرج عليا.
ببص للتمثال لقيته واقف لا حس ولا خبر زعقت عليه:
رمسيس قولهم انك كنت بتتكلم معايه قولهم ان احنا اصحاب.
انا هوديك الهرم..دول فاكرني مجنون..
ومفيش فايده لحد دلوقتي ....محدش صدقني ولسه رمسيس واقف
الجمعة أبريل 06, 2007 6:00 pm